【Now財經台】日圓昨日(7日)突然抽升，半個鐘內爆升150點子，今日(8日)進一步衝高，升穿153，直撲今年高位，點解日圓會突然急升？後市會點行？
1uptick Analytics首席分析師杜浩霆指，自從美日聯手干預日圓匯價後，美國就幫手控制日圓，當涉及美國倉位，就要睇佢會唔會解鎖套息交易或平大倉，依家市場炒緊套息交易(Carry Trade)開始解鎖嘅消息，所以當日圓上到160後，開始有獲利或平倉盤出現。
Perry又指，市場預期，日本央行將會加息，日本今朝出爐嘅第2季國內生產總值(GDP)升1.4%，超預期，反映日本有加息空間，日圓昨日失守155呢個技術關口，相信152水平係今年低位，短線應該有一浸技術反彈，估計短期會喺152至155上落。
