【Now財經台】油價繼續企喺近期高位，高盛最新警告，若中東地區對船隻嘅襲擊升級，油價或衝上每桶120美元，中東衝突係咪真係會擴大？點影響油價後市？
ATFX亞太區首席分析師林銘添指，霍爾木兹海峽(Strait of Hormuz)嘅輸出已達戰前三分之二，市場關注一旦美軍加大對伊朗嘅攻擊，或令油價大幅飆升，不過，暫時雙方嘅態度仍算溫和，所以未必會再推高油價。
Martin又指，睇返過去10至20年嘅冬天，天然氣需求不斷增加，加上運輸成本及供應問題，再配合天氣及月份，推高天然氣價格，柴油格亦會有支持，而價格亦可能受中東衝突或季節性因素影響而上升，一般來講，每年10月底至翌年2月係柴油及天然氣價格上升期。
