【Now財經台】半新股中際旭創(03308)股價今日(7日)狂飆逾19%，原因係高盛發報唱好集團，又首次叫買入，作為行業龍頭，估計今年起3年，中際旭創收入年複合增長率78%，純利年複合增長率則為84%，並預期明年全球光模塊1.6T出貨量按年倍升，3.2T光模塊出貨量2028年達6800萬件，中際旭創可以受惠到幾多？
Blue Water Capital投資總監李澤銘指，龐大嘅資本開支唔太可能持續，就算科網巨頭嘅現金流，都撐唔到咁高嘅資本開支增長，所以市場擔心呢啲科網巨頭資本開支明年會唔會收縮。
Alan續指，技術進度方面，今年下半年1.6T批量開始出貨，明年或後年有機會進入3.2T，理論上速度提升，件數需求就冇咁多，但市場預期，由於技術進步快，需求都會相應增加。
他續稱，以技術進度來講，有利光通訊及光模組行業，英偉達(Nvidia)嘅新技術架構，可提升光傳輸比例，銅傳輸比例降低，光模組應用需求增加，中際旭創作為Nvidia嘅核心供應商，定單方面有一定保證，只是收入及利潤增長未必好似市場睇得咁樂觀。
