【Now財經台】近日比特幣(Bitcoin)價格升咗唔少，更衝破8萬美元關口，今個星期累升逾5%，升得咁急係咪因為平淡倉？7.8萬至8萬美元係咪關鍵位？
資深經濟分析師羅家聰指，Bitcoin價格已經喺6萬至7萬美元打緊底，因為過去幾次熊市都係行咗3至4季，分別喺2013年、2017年、2021年、2025年，用咗大半年時間打底，依家進入打底期，甚至接近熊市尾聲，不過，依家科技股仲未急跌過，如果科技股都冧，有機會拖埋Bitcoin落去。
KC認為，喺6萬至8萬美元區間炒上落會穩陣啲，暫時睇嚟可以再升空間唔多，估計去到8.5萬美元就止步，如果短炒就可以喺8萬至8.5萬美元操作。
