【Now財經台】踏入7月，多個指標都顯示，本港樓價升勢已出現放緩，甚至整固跡象，其中，中原城市領先指數(CCL)已自年中高位回落，到底本樓價只係整固，還是開始轉勢？
瑞銀亞太區房地產行業研究主管林鎮鴻認為，短期嚟講係一個整固，仍未出現逆轉嘅情況，主要係租金仍然向上，由於利率走勢短期仍不確定，租金回報率已去到同按揭利率差唔多，現階段需要先消化一啲購買力，之後再重新累積購買力。
此外，市場十分關注內地「跨境追稅風暴」，會唔會波及本港樓市，不過，暫時未有官方文件證實，內地人喺香港投資買樓嘅收益及租金收入要交稅，睇返依家嘅形勢，內地向投資本港樓市嘅收益徵稅機會大唔大？
林鎮鴻指，先睇內地人對香港樓需求嘅影響，按照之前估算，內地人佔香港住宅成交約30%，冇香港身份買家佔比僅約5%，由於...
