【Now財經台】日圓昨晚(2日)突然急升約1%，升穿159水平，最新喺158.5水平徘徊，日本央行審議員高田創表示，唔排除日央行會一次性大手加息，係咪因為呢位作風鷹派嘅言論，嚇到淡友要急急平倉或減磅？日央行大手加息機會大唔大？
鴻鵠資產管理行政總裁陸庭龍指，日本通脹肯定遠高過日央行透過加息應對嘅水平，加上年初美伊戰事開打後，油價一度升穿每桶100美元，依家就企喺90美元樓上，令通脹壓力持續，之前美日嘅聯手干預行動，主要係日央行入市，但隨著日央行一直未有採取強硬加息態度，令日圓弱勢，再落返157水平。
Alan續指，喺日央行議息前夕，美國財長貝森特(Scott Bessent)同日央行行長植田和男見面，貝森特指，日本應該用更積極貨幣政策捍衛日圓匯價，佢認為，若日央行遲遲唔加息，或者加息幅度細，都唔足以扭轉日圓弱勢，由於市場有戒心，就會減持日圓空倉，陸庭龍又指，日央行有可能大手加息0.5厘，原因係...
