【Now財經台】美匯指數連升兩日，股債匯出現脫鈎情況，資金似乎又流向美元，帶挈美元跑出。不過，中長線嚟睇，市場仲會唔會行返「貶值交易」(Debasement Trade)？
星漢資產管理行政總裁王榮昆指，Debasement Trade係針對所有主要國家嘅法定貨幣，唔係單睇美元，呢個Trade喺2025年被人發揚光大，主要喺美債上體現，而其他美元相關資產就未受到太大影響。佢又話，Debasement Trade嘅概念回歸令到最近金價、加密貨幣(Crypto)向好，價格反彈咗唔少。
James續指，如果美債突破40萬億美元，美國好快就會出現債務上限辯論，令人覺得整體以美元計價嘅資產不再吸引，現時以美元計價資產除咗美債，美股都屬於吸引。另一方面，對沖基金對美股嘅對沖作用十分低，加上睇跌期權要畀嘅期權金，現時處於過去20年之中嘅2百分位數(Percentile)，可見大家都睇好美股，對於美元係有一定支持作用。
