【Now財經台】硬件、人工智能(AI)相關投資喺7月經歷大跌，8月見反彈，費城半導體指數(SOX)上月反彈2%。此外，8月好多巨企用季績及指引「說話」，例如英偉達(Nvidia)第2季收入按年飆逾1倍，若繼續睇好AI等下游產業，係咪投資返上游產業比較好，似乎易啲回本？
蓮華資產管理首席投資官兼合夥人洪灝指，今年除AI走勢強勁，銅及鋁等價格都上到歷史或近年新高，現時炒作亦已蔓延至農產品，今年受戰事及氣候因素影響，上游大宗商品價格表現被市場忽略。
他續稱，若未來AI需求以指數級別速度上升，金屬及能源等上游大宗商品嘅需求都會大升，甚至供不應求，兩者係相輔相成，所以上游同下游好難分開嚟講。
