【Now財經台】內地快時尚服飾銷售平台希音(Shein)(00625)今日(1日)首掛，相關期權、窩輪亦同步登場，繼暗盤昨日(8月31日)出師不利，希音今日首掛又「潛水」。窩輪方面，只有6隻希音CALL可以揀，行使價介乎52元至70元，槓桿2倍至3倍，睇返今日走勢，後市炒唔炒得起？吼位買CALL博短線反彈值唔值博？
胤源世創家族辦公室(香港)第一副總裁黃偉豪指，希音首掛「潛水」主要係大市氣氛唔係特別強，一定會拖累新股表現，另一個原因係公司錯過咗上市黃金期。
佢又話，希音CALL其實唔係好吸引，睇返條款，槓桿效應唔會放得好大，就算短炒值博空間都唔係非常大，若希音股價短期唔可以上返水面，跌勢有機會持續，所以暫時唔建議博CALL。
