【Now財經台】美國聯儲局主席沃什(Kevin Warsh)喺Jackson Hole全球央行年會嘅講話全球關注，他指出，美國經濟具韌性，勞工市場亦穩定，但通脹仍令人憂慮，因為通脹已連續65個月高企，他坦言呢個係聯儲局嘅責任，又話一旦通脹未能快速回落，聯儲局就會有行動，釋出偏鷹訊號，沃什嘅講話有咩啟示？美國9月加息機會大唔大？
星展銀行(香港)豐盛私人客戶執行董事鄧威信指，由於美國總統特朗普(Donald Trump)對前任聯儲局主席施加好大壓力，又非常推崇沃什，令市場對聯儲局嘅獨立性有好多質疑，不過，沃什喺今次Jackson Hole會上表明，聯儲局係一個獨立自主嘅機構，唔受總統控制，又提及遏通脹係局方責任，意味聯儲局角色冇變，仍然係獨立自主。
不過，Wilson認為，聯儲局暫時仍未有9月加息嘅迫切性，除非下個月議息前美國物價急升。
