【Now財經台】美國7月核心個人消費支出(PCE)物價指數將會喺今晚(26日)出爐，市場預期，將由6月3.7%回落至3.6%，但按月將輕微回升，PEC對美匯指數影響大唔大？點睇美元短期走勢？
獨立外匯商品分析師譚家康指，除非數字同市場預期相差好遠，否則，影響唔會好大，市場對美國經濟狀況嘅憂慮升溫，要留意聯儲局主席沃什(Kevin Warsh)喺明日(27日)開幕嘅Jackson Hole全球央行年會上嘅發言，始終今次係沃什第1次出席Jackson Hole，佢嘅發言一定係焦點，暫時睇嚟12月加1次息嘅機會愈來愈細，估計美息變動唔大。
Pierce又話，之前美匯指數曾高見101水平，其後出現回調，依家喺98水平上落，估計後市會好大機會喺97至99橫行。
