【Now財經台】細價股今日(24日)有炒作，當中包括中細軟科技(01020)，股價一度大升逾15%，高見0.237元，公司上周五(21日)收市後公布，收購江蘇歐軟信息100%股權，但因為現金不足，因此，將以代價股份支付交易，中細軟科技會發行14.5億股，發行價0.2元，較上周五收市價輕微折讓2.4%，點睇呢單收購？
《香港股票財技密碼》作者梁杰文指，帳面上現金不足，但又想「蛇吞象」，計返交易代價差唔多3億元，所以要透過配股形式發行，股價今日反應理想，可以逆市上升。
Mike解釋，市場受落主因係，今次收購1蚊現金都唔使出，全部透過印股票找數，唔止折讓細，相對集團每股資產淨值(NAV)都細，用高價發股做一單大deal，相信股東、現有投資者都會受落。
佢又話，中細軟科技依家有憧憬股，後市要留意人工智能(AI)相關公司或莊家會唔會接力炒作。
