【Now財經台】中際旭創(03308)將會喺明日(21日)出業績，股價日前上過1319元高位後，就冇力再上，昨日(19日)重挫10%後，今朝(20日)反覆向下，業績前伸引波幅喺咩水平？想入場部署CALL輪嘅投資者可以點部署？
法興證券上市產品銷售部董事蔡秀虹指，中際旭創正股嘅股價，過去1周持續企喺較高水平，見到輪證好倉有資金流出，昨日股價回落，資金流入相關CALL輪博反彈，單日有約600萬元資金淨流入。
Eva又指，由於市場對業績有憧憬，放榜前引伸波幅變化唔大，但中際旭創本身股價波幅大，所以市場上供應嘅CALL，行使價都喺120窩水平，因此，就算揀好價外嘅條款，提供嘅實際槓桿分別唔會太大。
至於防守性高啲嘅條款，可以留意返較貼價嘅產品，例如明年到期，行使價約1300元，實際槓桿有2倍以上。
