【Now財經台】英鎊自1.31低位彈到現時1.35水平，英國今日(18日)出咗最新失業率，維持4.9%，3個月就業變動8.4萬份，兩個數據都差過預期，點睇英鎊走勢？反彈空間仲有幾大？
1uptick Analytics首席分析師杜浩霆指，雖然市場預期英國年底仍有1次加息機會，加上之前受惠於世界盃消費及油價下跌，令當地通脹回落至2.6%水平，但最新失業率不似預期，反映英國經濟仍好難有太大起色。
Perry又話，英鎊近期彈返上嚟，可能受美元上周走弱帶動，但估計反彈空間有限，加上冇乜成交下，未必穿到上次高位，即1.355至1.356水平，就業數據出爐後，英鎊隨時掉頭，要留意1.35樓下，或會進一步下試200天線，約1.345至1.348水平，依家高追要小心。
