【Now財經台】日本第2季國內生產總值(GDP)年度化計，按年增長1.1%，遠低過市場預期，增速亦慢過第1季，有分析形容日本經濟增長係「外強內乾」，呢個解讀會唔會太負面？
iFast Global Markets副總裁溫鋼城指，自首相高市早苗上場後，不論日本經濟增長及同鄰國關係都唔係太好，令資源調配都有困難，個別企業因缺乏稀土，限制咗業務發展，例如電動車要用永磁鐵，但因為冇稀土而要將摩打、硬件拆出嚟再提鍊，成本好貴。
Harris又話，市場預期，日本通脹年底會去到「2+」，日央行年底前會加幾次息，利率會升至1.25厘，喺呢個背景下，息口升咗，通脹又高咗，企業壓力又大，所以日本各方面都陷入停滯。
