【Now財經台】小米集團(01810)今日(18日)將會出第2季業績，大行估計，總收入將按年跌6%至9%，股價今朝低開逾1%後，跌幅一度擴大至2.5%，低見25.22元，小米自1個月高位32.4元回落至現水平，累跌逾21%，如果想開CALL博反彈，應該點部署？
胤源世創家族辦公室(香港)第一副總裁黃偉豪指，出業績前引伸波幅一般會被拉高，就算博小米股價業績後造好，都擔心可能會出現縮窩情況，因此，小米CALL未必好值博。
Ravi續指，短線嚟講，小米基本面好一般，未來要關注產品指引外，都要留意手機業務，原因係小米股價跌咗咁多，主要受手機成本，尤其存儲晶片拖累，如果今季指引有提及手機業務仍受影響，預期小米估值會再跌。
