【Now財經台】京東集團(09618)昨日(13日)公布業績後，股價今日(14日)一跌到尾，收市瀉逾10%。集團上季收入係上市以來首度下跌，但經調調整淨利潤好過預期，如果睇返今日股價表現，市場似乎唔係太收貨，點睇呢份成績表？
亨達財富管理董事總經理姚浩然表示，市場唔收貨原因在於營業額，上季商品收入跌5.4%，尤其京東主打嘅電子產品及家用收入都跌近12%，反映市場競爭大及整體消費力弱，盈利有改善純粹因新業務蝕少咗，其實本身盈利表現都唔算好，所以股價今日大跌。
Patrick又指，京東積極拓展海外銷售，其實會令市場更擔心，雖然新業務蝕少咗，但仍錄得99億人仔虧損，數目唔算細，長遠而言，若京東持續發展海外市場，市場可能會更擔心集團盈利表現。
