【Now財經台】人工智能(AI)相關股炒風上季降溫後，有回穩跡象，相關公司派季績後，令市場有信心AI發展前景仍然亮麗，其中，聯想集團(00992)今日(13日)中午亦派咗成績表，AI業務方面，AI伺服器收入倍升至85億美元，雖然第1季轉蝕逾6億美元，但經調整溢利按年大升1.76倍，刺激股價收市勁升20%，點睇聯想股價後市？
耀才證券研究部總監植耀輝指，過往市場對聯想睇法偏向審慎，但RAM(隨機存取記憶體)等硬件業務表現仍有驚喜，AI伺服器定單儲備一度高達540億美元，所以改變咗對聯想嘅睇法，聯想唔止做好本業，AI發展亦交出成績，預期估值可進一步提升。
不過，Stanley提醒，聯想股價未來可以好似今季升得咁好，並建議投資者等股價回調約10%後，再考慮做適量部署。
