【Now財經台】中國鐵塔(00788)今日(11日)中午派咗成績表，上半年多賺30%，但營業收入按年跌近2%，其中，佔比最大嘅塔類業務收入跌逾6%，期內，經調整除利息、稅項、折舊及攤銷前盈利(EBITDA)按年跌逾11%，派息0.19122元人仔，似乎EBITDA利潤率受壓係趨勢，想買中國鐵塔應該點部署？
天風國際李偉傑指，EBITDA受壓係在所難免，集團收入佔比最大嘅塔類業務收入跌，但行業間又唔見有新項目推出刺激市場，佢為，喺科技未出現大突破前，估計EBITDA會維持現狀，至於幾時會轉勢，佢認為推出5.5G或6G時才有望發生。
中國鐵塔股息率方面，Jason估計，全年有約7厘，中長線有一定防守力，但缺乏爆發力，如果想做長線部署，由於股價仍然冇乜反彈動力，注碼不宜太大。
