【期匯決算】加元1.39水平有支持

【Now財經台】加拿大7月就業數據強勁，新增職位增7.51萬個，失業率回落至6.4%嘅2年低位，市場解讀為當地經濟出現復甦跡象，點睇加元走向？

亨達集團助理總經理羅明立指，加拿大始終同美國嘅貿易關係唔太理想，加埋美伊戰事緩和令油價下跌，一定會影響加元走勢，但整體上由於美元偏弱，所以加元表現仍然唔錯，暫時1.39水平係一個較重要支持位，如果守得住呢個位，可能要先整固。

加拿大經濟方面，佢就話，似乎有改善跡象，但依家環球經濟受地緣政治及金融市場影響，所以唔可以只睇單一數據。