【Now財經台】據《彭博》數據顯示，現時佔申洲國際(02313)收入比例最高係Nike，佔29.78%，其次係迅銷(06288)旗下Uniqlo，佔24.26%。集團幾個大客中，最近一個季度僅Uniqlo業績理想，其他大客都因為唔同原因導致盈利受壓，最壞情況係咪已經見咗？
高歌證券金融首席分析師聶振邦指，現時Nike、Uniqlo、Adidas佔申洲收入比例最大，3個品牌合共佔逾70%，其中，Uniqlo佔申洲總收入約25%，由於公司業績向好，唔排除未來定單會相對較多。
聶Sir又話，Nike、Adidas上半年嘅業績比較差，一般嚟講，下半年經濟增速較快時，業績改善空間亦會較大，所以初步嚟睇，估計申洲下半年業績應該有改善。
