【Now財經台】近期人工智能(AI)投資主題再由模型開發，轉向支持實際應用嘅基礎設施供應商，例如半導體、電力、數據中心等，點解會出現呢個情況？
iFast Global Markets副總裁溫鋼城表示，睇返上半年，資金普遍投資硬件股，因為係晶片短缺、記憶體，甚至電力方面基建設施主題都炒過，出完業績後，市場就開始「搬錢」去其他板塊，尤其4家Hyperscalers，即微軟(Mircrosoft)、亞馬遜(Amazon)、Google、Meta，雖然4家公司嘅資本開支(CapEx)大，但個別增速慢咗，例如Amazon，不過，集團雲業務增長勁、投資AI、有盈利能力，已經唔似第1季，只得Google表現較好。
Harris相信，市場未來市場會用「兩條腿走路」，例如以前會集中買哂硬件股，但依家上游、中游、甚至下游都賺到錢，變咗揀股票就唔再係瞓身1個板塊，市場會輪流炒，整體都算幾健康，成個板塊慢慢上升，對投資市場係好事。
