【Now財經台】高盛出報告回應市場對記憶體嘅8大疑慮，當中提及長鑫存儲對市場嘅衝撃，只係局限於內地市場，但長鑫存儲已推進緊第4代高頻寬記憶體(HBM3)，同埋低功耗雙倍資料速率記憶體(LPDDR6)量產，點睇高盛嘅回應？會唔會低估咗長鑫存儲對行業嘅衝撃？
港灣家族辦公室業務發展總監郭家耀指，永遠唔好低估內地供應商喺壓縮成本及推出市場嘅極緻，內地供應商具備迅速增加產能嘅能力，加上技術水平提升得好快，同埋現時記憶體供應商毛利率約80%，對內地供應商嚟講係好吸引，促使其他供應商加入，相信產能可大幅提升。
Matthew又指，內地同海外供應商嘅技術壁壘，其實冇想像中咁大，若內地供應商有一個較大突破，價格好快就可以回落，有利整體市場發展。
