【非洲金融科技「第一股」？】「獨角獸」PalmPay擬來港IPO

【Now財經台】港股有機會出現一隻來自非洲嘅金融科技「獨角獸」？

據《彭博》報道，新加坡政府投資公司(GIC)等有份支持，非洲金融科技公司PalmPay(澎貝數科)正籌備嚟香港首次公開招股(IPO)，並正傾緊新一輪融資，涉及約2億美元，折合約15.6億港元。不過，IPO規模、估值及時間仍未有定案。

PalmPay係非洲及部分亞洲最大型消費金融及支付平台之一，現時有約4000萬用戶，主要集中喺尼日利亞。