【Now財經台】中際旭創(03308)H股今日(3日)一度飆約18%，高見1188元，創上市新高，早段一度較A股有明顯溢價，但隨著A股升多咗，AH股又變返只有不足1%折讓，H股上市定價較A股有最多20%折讓，不過，全球人工智能(AI)股上周勁Chok，中際旭創首掛當日一度「潛水」逾10%，依家H股開始有溢價，係咪可以追入嘅訊號？
元宇證券大中華區股票投資總監趙晞文指，從中際旭創定價到上市，整體情況符合市場預期，基於市場氣氛，上市初期股價表現未必太理想，就算定價較預期低少少，相比A股都唔算太吸引。
佢又話，從行業中長線基本面上睇，去槓桿化影響市場氣氛，如果現階段做部署，就要接受中際旭創及成條AI產業鏈嘅波動性。
