【Now財經台】中芯國際(00981)今日(1日)輕微低開0.2%後，跌幅一度擴大至約3%，低見61.3元。中芯好倉連續8個交易日有資金流入，5日合計就有4500萬元坐貨，係最多資金睇好嘅個股，不過，股價似乎有機會進一步下試60元關口，投資者應點擺位？
滙豐亞太區財富管理香港上市產品銷售經理盧貴良指，最近國產光刻機消息為行業帶嚟正面影響，因此，就算中芯股價自7月開始已累跌30%，但資金流仍十分強勁，連續8個交易日有4600萬元流入CALL輪，遠多過牛證資金。
Daniel又話，成交活躍嘅CALL價外約30%，行使價84元，11月到期，實際槓桿做到5倍。
佢續指，現時牛證重貨區，即58元至60元已經比較貼價，投資者不妨擺遠少少，收回價可以擺喺50元，4月到期。
