【Now財經台】日本財務省證實美國同日本聯手護盤，喺上周五(7月31日)聯手干預日圓匯價，參考上次當局喺4月30日至5月初出手時，當時Yen跌穿160水平，跌至約40年低位，但之後回升至155，日圓轉強後維持到1至2個月，點睇今次嘅美日聯合行動？
星展銀行(香港)豐盛私人客戶執行董事鄧威信指，當匯率被干預時，市場上嘅短盤及槓桿盤會被掃走一浸，相信之後會見到美元兌日圓有反彈。
此外，Yen今朝(3日)曾升穿156，不過，Wilson認為，因為已出現咗首次聯合干預行動，而日本及美國都話唔排除再出手，叫市場唔好沽得太過火，佢相信，會有一定震壓作用，因此，估計Yen短期唔會重返160水平。
