【Now財經台】內地光通信一哥中際旭創(03308)今日(30日)首掛，開市報971元，較招股價980元，低近1%，其後一度低見887.5元，低逾9%。至於同類概念股長飛光纖光纜(06869)則一度低見92.9元，大跌逾9%。兩隻概念相似嘅股份今朝都表現唔好，投資者可以點部署？
滙豐亞太區財富管理香港上市產品銷售經理盧貴良認為，雖然中際旭創首掛表現一般，但CALL輪資金活躍，部分條款活躍度甚至高過長飛光纖。佢又指，市場上主要條款價外50%至90%，反映投資者比較進取。
Daniel續稱，長飛光纖已上市一段時間，之前股價曾炒上近300元，現時已回落到93元水平，累跌約70%，佢建議想部署長飛光纖嘅投資者，可選擇價外40%，行使價138元，今年11月到期，實際槓桿接近3倍嘅條款嚟博反彈。
