【Now財經台】恒生指數今日(28日)一開市即收復100天線，即25177點水平，牛證重倉位喺24600點，最多人加倉係24800點，熊證最重倉喺25500點，亦係最多人加倉嘅位置，部署上應該點擺位？係咪可以參考各重貨區？
元宇證券投資總監林嘉麒表示，就快期指結算，資金開始流向傳統科技股，加上滙豐控股(00005)下周會出業績，相信短期會推高恒指，但要留意近期成交未必會太配合。
牛熊證擺位方面，KK就話，恒指今輪反彈喺26000點有較大阻力，建議熊證收回價擺26000點水平，由於24500點係整固位，建議牛證回價擺24000點水平。
