【Now財經台】中芯國際(00981)股價連跌兩日後，今早(24日)再低開逾1%後，跌幅曾擴大至逾2%，低見69.3元，但之後掉頭向上，不過，如果睇返近日走勢，好多時都係大跌彈一彈，之後又跌過，部署CALL輪嘅資金係咪傾向做短線部署？短身及遠價條款有咩優勢？
星展香港環球金融市場上市產品策略師鍾宛婷指，近期都見到有資金想博中芯反彈，因為之前人工智能(AI)硬件股自高位回落咗唔少，加上中芯及華虹宏力(01347)呢兩隻國產替代概念嘅晶片股，抗跌力比較強。
Kathrin又話，若睇好中芯想博短線反彈，可以考慮價外40%，10月底到期嘅輪證，槓桿相對較高，好處係一旦喺近期低位博到，炒轉短，槓桿夠大就易有糊食，唔使捱到上去先有足夠水位，呢類輪證都有逾4倍槓桿。
