【期匯決算】美國加關稅加元會點行？

【Now財經台】美國宣布將對大部分加拿大輸美商品加徵50%關稅，將於8月中生效，加拿大批評新關稅違反《美墨加協定》，由於加拿大出口太依賴美國呢個單一市場，基本上冇太大還撃能力，加元係咪一定會受壓？

1uptick Analytics首席分析師杜浩霆認為，雖然美國加徵關稅會造成一定壓力，但根據過往經驗，市場預期最終只會加10%至20%。佢續指，加拿大日前出咗失業率，表現唔算差，昨晚(20日)出爐嘅通脹數據，亦較預期有所放緩，喺兩個因素互相牽制下，加元應可企穩1.4，未來更有機會上試1.42水平。