【槓桿致勝】中芯博反彈揀CALL/牛仔？

【Now財經台】世界人工智能大會(WAIC)今日(17日)在上海開幕，但似乎對半導體股冇乜刺激作用，中芯國際(00981)今日跟隨其他半導體股回套，早段一度挫逾6%，低見70.5元，想部署博反彈應該點揀好？

法興證券上市產品銷售部董事蔡秀虹指，中芯股價過去幾個交易日都向下，如果想喺正股低位博反彈，CALL輪可以考慮揀長身及貼價少少，行使價85元，11月底到期，槓桿4倍。

牛證方面，槓桿可以做得再高啲，建議唔好揀得太價外，可以留意距離現貨價約7%至8%嘅條款，槓桿9倍至10倍。