【Now財經台】滙豐控股(00005)股價近期強勢，今朝(15日)一度升2.4%，高見156.3元，資金流方面，好倉連續2日有資金流入，5日合計有近130萬元入場，依家入場部署滙控好倉應該點揀好？
法巴上市衍生產品部銷售及市場推廣主管李梓維指，滙控因為股價升得穩定，持續破頂，唔少投資者有獲利空間，依家入場未有新牛證供應，較貼價嘅選擇行使價約140元，槓桿做到8至9倍。
CALL輪方面，近期發行嘅條款行使價會高少少，約186元至190元附近，槓桿同樣做到8至9倍，兩邊比較CALL輪爆發力更高，值博率都更高。
