【Now財經台】美伊局勢再度升溫，加上油價急升及美債息扯高，美股3大指數昨晚(13日)全線下跌，而費城半導體指數(SOX)更重挫近5%，再度跌穿50天線。至於亞太區股市嘅半導體或人工智能(AI)相關股亦受壓，係咪反映美股牛市快將步入尾聲？
資深投資者莫家強指，過往美國科技股升勢凌厲，但近期部分板塊回落幅度顯著，例如記憶體股等紛紛出現調整，值得留意係，以往記憶體股大跌後，都可以再升返浸，但依家就愈跌愈深，反映市場吸納能力減弱。佢又指，其實初期仍有支持，但隨著強勢股要「坐艇」，市場動力續步消耗，呢個可能係牛市進入尾聲嘅警號。
Alex續稱，睇返基本面，雖然大型科企盈利仍然可觀，但非科技股，尤其較小型嘅上市公司，唔少都經歷緊破產潮，基本上撇除科技股，其他股份表現明顯轉差，市場必須要留意呢點。
