【Now財經台】截至早上11時止，過去1小時內《彭博》搜尋量最多港股，依次為XL二南方海力士(07709)、MiniMax(00100)、美團(03690)、智譜(02513)、中國鋁業(02600)。
美團股價今日(14日)暫時冇乜方向，國務院原則上同意「十五五」以擴消費為主，又重點提出28項措施，希望最大程度發揮由消費拉動宏觀經濟嘅作用，大行隨即預期餐飲板塊會受惠，擴內需國策會唔會對美團，以至集團外賣業務有幫助？
復星國際資產管理投資經理李曉翀指，政策或可支持夏季需求，雖然外賣大戰或會降溫，令美團邊際成本下降，但由於夏季消費需求大，尤其暑假，相信同業競爭會對美團造成一定壓力，如推出政策上電子消費券，外賣業務可能會喺消費需求提升之下企得穩。
Andrew又指，美團推出由國內所有算力晶片帶動嘅訓練型大模型，呢個暫時未喺股價反映，依家美團股價主要跟大市反彈，未形成自己嘅鄰位效應(Alpha effect)，Beta股來講，美團估值算平，若大模型喺美團傳統業務有增值效果，美團股價就唔係跟大市行表現，而係本身都造得好。
