【Now財經台】近日南韓央行「放鷹」，當地半導體行業表現好，出口強勁，令南韓有條件加息，南韓央行下周四(16日)議息好大機會加息。不過，一旦加息或拖累高槓桿嘅南韓股市，爆拆倉或平倉潮，點睇韓圜後市？
外匯策略專家張健泰指，若南韓加息，韓股好大機會爆拆倉或平倉潮，因為利息成本高咗，高槓桿投資者就要拆倉，但未必對韓圜有好大影響，相反，加息或對韓圜有正面影響，因為高槓桿投資者主要以當地個人投資者為主。
Ken續指，最近韓圜可以進行24小時交易，掃除歐美國家時差阻礙，對外國投資者有一定吸引力，吸引外資流入，綜合各項因素，都似乎利好韓圜。
