【Now財經台】歐股近期火熱，其中，泛歐STOXX 600指數繼續喺高位徘徊，本周初曾創新高，係咪因為美股嘅人工智能(AI)、硬件股回調，令資金流向歐股？
勝利證券首席顧問陳建良指，半年結之後，見到股市成個情況反轉咗，之前市場普遍睇淡H股，紛紛轉戰日本、南韓及台灣股市，依家相關AI硬件股被拋售，已經跌咗唔少，反而一啲喺5月及6月跌得好殘嘅股份，紛紛回升。
KL又話，泛歐STOXX 600指數創新高，其中1個原係市場揀估值平嘅市場及股份炒，金融股係其中一個受惠板塊，軍工股都自低位回升，帶動全球資金輪動，歐股想擺脫對美股、美國經濟嘅依賴，提高自主性，希望吸引資金重返歐股，相信短線走勢不變，佢建議，未來1周留意資金會唔會重返AI硬件股板塊。
