【Now財經台】鋰業股昨日(8日)尾市跌勢顯著加劇，其中，贛鋒鋰業(01772)、天齊鋰業(09696)分別跌7%及8%，不過，摩根大通似乎看好贛鋒，將評級由「中性」上調至「增持」，該行又估計，資源股將會陸續發盈喜，認為有機會借盈喜炒返轉，買資源股博發盈喜係咪真係值博？贛鋒係咪其中一個選擇？
艾德金融執行董事陳政深指，資源股係典型周期性股份，股價一般領先商品價格幾個月，依家市場預期呢啲企業嘅盈利向上，但處於股價有稍微壓縮嘅階段，因此，短期而言，預期股價波動性將會加劇。
Ryan又指，摩通指贛鋒電池業務盈利韌性仍然存在，鋰價有上升空間，又話短線利淡因素已反映，給予贛鋒目標價70元，又指係板塊首選，但現時贛鋒股價表現唔理想，短線缺乏持續向上動能，所以即使基本因素理想，依家都唔係理想嘅吸納時機。
