【Now財經台】粉嶺安樂村喺政府北部都會區概念融合大灣區下，區內工廈交投較以往活躍，安樂村有咩潛力或優勢？未來可以吸引邊啲類型企業進駐？
中原(工商舖)工商部董事劉重興表示，2021年北都發展將工業區轉做商貿、創科區，安樂村本身係以物流、貨倉為主，呢幾年反而多咗唔同行業進駐，例如食品工場、日用品等。
Stephen又話，安樂村整體空置率偏低，不足5%，成交方面，今年上半年有17宗交，2025全年都只係有17宗，反映成交明顯增加。
工廈方面，劉重興續指，安樂村一幢全新工廈本身設計係樓底高，亦有可容納8.5噸載貨車嘅升降機，適合製金工場、國內電動車行業，相信下半年會增加，但未必十分活躍。
