【now.com財經】噚日揀咗隻恒指好倉出嚟，都有講明出文嗰時嘅五分鐘圖Slow STC(14.3)已經上到天花，比較安全嘅做法係用返Swing Trade觸底上時，先至出呢隻好倉。但可借出倉同hold貨嘅時間都係唔多願郁嘅下半場，所以即使呢一注係正數，但極其量都只係cover到手續費。
睇返恒指日線圖嘅走勢，之前都一直畫住條「下降通道」，而指數亦於「下降通道」裡面以一浪低於一浪嘅姿態向下運行，之前係咁出淡倉，到呢三幾日反方向出返好倉，坦白講到依家呢一刻我都仲係有啲唔習慣；尤其是見到個街貨圖就更加唔習慣。
「但睇圖嘅話，依家上到20天線前又有條『下降通道』頂線頂住，係咪應該出淡倉先？」如果仍然堅信指數係繼續沿用呢條「下降通道」嚟出一浪低於一浪嘅話，可以，但要留意埋小時圖嘅情況，因為佢同日線圖唱緊反調。
10點4分嘅小時圖有見指數企高於100線，而由6月26日起至今，佢係築起咗「上升通道」出嚟；又整條保歷加通道向上，指數目前係用保歷加頂線同10線夾住向上走。100線一旦今日守得嘅話，重返24,000點不是夢。
的確係有少少處於兩難嘅局面，先揀定隻恒指Put(27923)，行使價23,681點，為價外0.1%屬輕微價外，今年9月底到期，槓桿有約10.31倍，引伸偏低。
以依家10點12分見日線圖嘅20線為23,807點，指數依家喺五分鐘圖借緊10線上到23,765點，今朝暫時高位係23,789點，如果一陣有見指數上到20天線相約位置時有阻力嘅話，小注(27923)直接博捉日線圖「下降通道」新一輪嘅Swing Trade啦！
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
