【期匯決算】資金泊美元資產利美匯指數

【Now財經台】美伊談判有進展，目標係60日內達成最終協議，美匯指數喺今日(22日)亞洲交易時段再迫近101水平，理論上談判有新進展，應該會令加息預期降溫，點解美匯指數反而升多咗？

外匯策略專家張建泰指，全球幾家主要央行結束議息會議後，市場諗法出現轉變，無論美伊談判最終能否達成協議，考慮到美國通脹已升至4%水平，加上當地就業環境穩定，美國聯儲局加息勢在必行。

Ken又話，依家美國加息預期升溫，當地經濟持續向好，股市持續強勢，唔少投資者都選擇將資金繼續泊喺美元資產，都係美匯指數上升嘅原因。