【Now財經台】美股上周五(19日)假期休市，美股3大指數上周四(18日)造好，但美伊談判又出現波折，美國總統特朗普(Donald Trump)上星期六(20日)出PO炮轟伊朗，令雙方談判再陷入僵局，市傳伊朗談判代表中途離場，導致美股期貨喺今日(22日)亞洲交易時段受壓，油價就係亞洲交易時段抽升，但美伊仍未終止談判，傾掂數機會有幾高？投資者應該點部署？
信誠證券及期貨投資服務部董事蕭猷華指，雖然美伊雙方上周簽咗諒解備忘錄(MOU)，由於MOU唔係正式協議，雙方隨時可以喺60日內退場，佢認為達成協議難度唔細，主要同濃縮鈾及以黎軍事衝突有關，再加上特朗普跟以色列總理內塔尼亞胡(Benjamin Netanyahu)長期目標唔同。佢又指，現油價同股市關係唔大，美股熱門主題係人工智能(AI)，Tony又建議，當紐約期油見每桶75美元水平可以考慮買入，預期可反彈至85美元。
