【Now財經台】美伊上星期簽左電子版諒解備忘錄(MOU)，但伊朗代表拒絕繼續同美國進行談判，令和談再陷僵局，依家事態發展係咪仍未明朗？點評估各類資產表現？
GUM首席投資總監劉嘉鴻指，美伊和談仍然唔明朗，睇返過往歷史，同伊朗嘅和約、協議等一直反反覆覆，談判中包括以色列，幾個參與方都有誠意緩和件事，但因為各自要求唔一樣，導致談判持續拉鋸，預期呢個局面將會持續，但會呈一個較平穩嘅方向發展。
Chris又話，談判問題唔可以一時三刻解決，建議市場唔好睇得太樂觀。油價方面，佢估計，暫時都唔會落返開戰前水平，會企喺約每桶80美元一段時間，亦見到有資金流向股市，原因係市場對買金意欲低，佢相信，金價會繼續企喺每盎司4200美元水平。
