【Now財經台】江西銅業股份(00358)股價今日(18日)一度逆市升近10%，高見41.3元，港股嘅資源股基本上都係弱勢，點解江西銅可以一枝獨秀升咁多？係咪有特別利好消息？
耀才證券研究部總監植耀輝指，雖然銅價隔晚(17日)回落，但整體都睇得幾正面，江西銅本身都有利好消息，就係分拆憧憬，加上依家市場熱炒人工智能(AI)相關股，而銅箔面板跟銅有比較密切關係，所以炒PCB、CCL股之餘，連帶呢類上游生產商都成為熱炒對象。
Stanley又話，依家市場喺AI概念股之中「尋寶」，令江西銅股價有返啲動力，不過，就算有呢個概念，但業務佔比其實相對好細，公司主業仍然係採銅礦，造面板都仲係處於起步嘅階段，相信分拆後子公司嘅業務憧憬會更多，所以，依家都係炒住先，未來要留意更多相關消息，一旦銅價大幅波動，股價有機會借勢回調，如果高追就要小心。
