【Now財經台】美國副總統萬斯(JD Vance)表示，美伊已電子簽署諒解備忘錄，市場估計，霍爾木茲海峽(Strait of Hormuz)好快就會重開，美伊戰事大幅推高油價，隨著美伊傾掂數，油價現時落到每桶80美元水平，後市點睇？
資深經濟分析師羅家聰指，油價幾時會大幅回落，佢認為，當經濟真係失速出問題，例如半導體周期夾到差唔多，喺製造業層面因為油價太貴而停產，到時就有機會回落，因為現時只係人工智能(AI)相關行業熾熱，其他行業其實情況麻麻，因為油價咁高，好多公司都計唔到數，唔少公司都輸緊錢，因為經濟唔係只靠AI行業，當其他行業出問題，就會推低油價。
不過，KC提醒，唔好預期油價會大冧，如果唔跌就會企喺逾70美元水平，若真係跌就有機會跌至逾50美元，甚至逾40美元，但佢認為，如果經濟冇出現衰退，油價就好難重返戰前水平。
