【Now財經台】地緣局勢再升溫，油價喺今日(10日)亞洲時段反彈，雖然仍未重返每桶100美元嘅危險水平，但近日有能源機構開始接連針對石油庫存發預警，其中，美國能源資訊署(EIA)指，全球主要經濟體石油庫存迫近2003年以來最低水平，若中東局勢冇改善，經濟合作暨發展組織(OECD)成員國庫存，至年底將減至約23億桶。油價現水平係咪未反映庫存問題？
獨立外匯商品分析師盧楚仁指，現時油價主要睇住伊朗局勢發展，其他數據都冇太大參考價值，即使今朝(10日)出嘅原油庫存大減，但油價都冇乜反應，反映局勢反覆拉鋸，而油價最終都會呈反覆向下格局。
Jasper又提醒，昨晚(9日)紐約期油曾見87.36美元，呢個係短期支持位，一旦失守，油價好大機進一步下挫，有機會未來幾日跌至79美元水平。
