【Now財經台】近日市面上出現唔少24小時工作間等新式商用物業，承造按揭方面，點解舊工廈申請按揭普遍較難，審批時間又可能較長？如果想購入舊式工廈收租，承造按揭時有咩要留意？
利嘉閣按揭董事總經理黃詠欣指出，由於工廈成交相對少，加上銀行或需時審視舊式工廈合規性，令審批時間較長之餘，亦較難批出按揭。佢又提及，現時市面上只有幾家中小銀行，較積極做工廈按揭生意，當中大部分以H按嘅「H+2%」為主，實際息率介乎4.25厘至4.27厘，大銀行息口相對冇咁吸引，主要以P按嘅「P-」或「P+1%」為主。
Cookie續指，一般而言，由於工廈按揭最長還款期介乎15年至20年，每月供款額高過住宅，所以投資者要做好兩手準備，包括預留1至2年嘅供款現金流，以及較多首期去應對租客流失等潛在問題。
