【Now財經台】早前，一度傳出以色列、黎巴嫩達成停火協議，油價應聲回落，不過，真主黨最新拒絕停火協議，以軍亦拒絕撤兵，恐令美伊談判再陷入停滯，半年結前係咪都好難落實協議？油價係咪會繼續反覆？
花旗銀行投資策略及資產配置主管廖嘉豪指，成個局勢發展都唔係太順暢，美伊和談進程反反覆覆，時好時壞，但基本上仍按市場預期發展，喺大眾利益有壓力下，歐洲國家都諗緊辦法開通霍爾木兹海峽(Strait of Hormuz)，佢估計，海峽有機會喺第3季逐步解封。
KA又話，無論中東局勢點樣發展，市場始終最關心會點樣影響油價，其實地緣政治衝突成日都有，市場認為事件始終會解決到，雖然石油供應仍然受阻，但見到倫敦布蘭特期油價格就算走勢反覆，都冇再上返前高位，即每桶120美元水平，佢估計，布油第3季開始會由110美元，逐步回落至85美元，又認為油價上升帶來嘅影響唔使睇得太悲觀。
