【Now財經台】截至早上11時止，過去1小時內《彭博》用戶搜尋量最多港股，依次為美團(03690)、泡泡瑪特(09992)、中芯國際(00981)、華虹半導體(01347)及友邦保險(01299)。
美團受產品運營研發團隊炒一半人消息拖累，股價今朝(28日)低開0.6%後，股價一度急跌至約7%，低見72.25元，雖然有內媒引述美團工作人員，話裁員消息不實，但美團股價仍繼續尋底，係咪可以趁機撈底？
富途證券高級分析師馮文慧指，雖然官方否認裁員，但市場對美團成本壓力敏感度較高，所以一有負面消息，股價就跌定先。另外，美團股價今年已累跌近30%，跑輸大市，今日再開出1支大陰燭，技術上已失守多個支持位，就現時情況嚟睇，美團股價未確定底部前，有機會再試新低位。值得留意係，美團下個月就會出季績，但集團仍受外賣價格戰帶嚟嘅負面消息困擾，因此，復甦動力仍有待觀察。
Anna續指，依家大市處於炒股唔炒市格局，加上美團基本面較疲弱，唔建議喺呢個時候撈底，可能要等下一個季績或全年盈利表現有改善時再考慮。
