【Now財經台】受中東戰事影響，能源價格持續高企，英國最新公布，能源價格上限將於7月初至9月底調高13%，升幅係3年以來最大。此外，歐洲央行首席經濟師指，歐央行或於6月上調季度通脹預測，係咪為加息鋪路？歐元又會點行？
外匯策略專家張建泰指，歐央行無可避免要調高通脹預測，因為油價已升咗40%以上，歐央行係咪一定會加息，就要視乎歐洲局勢，暫時睇嚟機會都幾高。
Ken又話，除非美伊傾掂數，油價可以落返每桶73美元樓下，否則，油價會持續高企﹐加息壓力會愈來愈大，依家加息環境逐漸明朗化，相信會對歐元有少少支持，但未必有好大向上爆發力。
